GARA SCIALPINISTICA Alpe Lusia del 24/01/2007
Sol per el fatto che per el masa calt no s'e' podest nar el weekend passa' (e mi for per i bar no fago zerto gamba: fegato semmai...) l'era en delitto no far la gara de ancoi: gh'e' da nar. Me trovo a Trent col Max alle 5 e via per Moena. Arivem su vers le 6 e domanda' a en par de locali endo che l'e' la partenza i ne para su vers el passo S.Pellegrino, alla partenza degli impianti del Lusia. Fioca e par propri fret. Ritirem cosi' i pettorali, el gadget (sto colp na bereta) e fem i zaini: sto colp l'e' obligatorio portarse i ricambi a monte col zaino.... anca se, po' ala partenza, i gh'era bem i soliti sciopai che... no g'ha bisogn de cambiarse. Ala gara sem iscritti en 350, l'e' na cronometro con partenza a coppie ogni 20 secondi, en pratica le partenze le e' dalle 19:30 alle 20:30. Vardandose entorno soto la partenza se sente ciacere de zent preocupada per i muri che gh'e' su:" assolutamente da alzatac!", i diss.... ma no me fido massa. Per fortuna propri soto la partenza encontro me cosim Silvano (dal Ciampac), che vist che l'e' uno dei primi l'e' quasi li' che el parte, e ghe domando na dritta sull'alzatac: "Al secont faro gh'e' en mur... ma mi la fao senza alzatac": e mi faro' uguale. Partidi i primi, en tel giro de zinque minuti se envia anca el Max. Mi som alle 20:02:00, entant che speto me riscaldo bem poc, me sistemo i scarponi e entant che finiso de tirarme a um soto la partenza me vardo entorno: tutine con i scarponi crivellai dal trapem, altre con ai pei delle babbucce de goma (le g'ha su demo' sol l'ataco!)... mah! Toca a mi. 194esimo. Parto en coppia col 193 e sul prim pianoro el sta davanti, ma quando la empenna passo mi. Ariva' al secont faro gh'e' la muraia, propri bela erta, le pel le tegn bem (perdo sol en pass) e rieso anca a pasar qualcheduni. Po' se devia su forestale quasi piana e se continua su e su, me digo per 10 minuti comodi. Saltai for dal bosc gh'e' na bela rampa e me se affianca me cosim Silvano (che l'era parti' mez'ora prima de mi, e ariva' da 35 minuti) e el me fa da levro sul sprint finale: "No molar, dai che l'e' l'ultima rampa!". Ho spua' sangue, ma en te n'atimo son enzima: ancor 50 metri de piam e ghe som. Cot. Entant trovo anca el Max e tuti sem stupiti dela brevita' dela gara: gh'era scritt da 680 metri de dislivel... ma se i avem fati en mezora...quant nente?!?!!! En realta' el dislivel l'era sbaglia'! I lo conteva a salir da Moena! Dopo na bela magnada tra na birra e l'altra (e en bombardim del Max) ne trovem col putel dela val de Non (che gh'era anca la stimana pasada) e ne fem spiegar per bem en po' de trucchi del mister: la prosima dovem rosegar zo altri secondi! Ariva le clasifiche: beh con 31:09:5 arivo 161, el Max 160 con sol 3 decimi de secondo en men de mi, me cosim Silvano l'ho vist sodisfat sui 26 minuti (diaolopo' se el tira! ...e po' el ghe n'eva ancor rento!). Dopo aver saluda' quei del me gruppo (Bela Ladinia) i fa i sorteggi: e sto colp, propri quando sem li' che ne enviem sento che i me ciama: che lusso! I me deve el premio che no i m'ha fat vinzer la stimana pasada! Ancoi me merito en bel par de calzoti. E alora, vist che ormai l'e' le 11 ne enviem en fondoval (en funivia purtroppo...) e per le 1 sem a ca'.
| La linea de partenza. Davanti, apena parti' dal cancelet gh'e' me cosim Silvano. Drio la linea e' za drio a prepararse la coppia successiva (20 secondi de distacco). | |
|
El Max apena parti'. ...e za l'e' drio a pensar a pasarghe davanti ala tutina de fianc. | El Kepo l'e' drio a taiar el traguardo.... dai che gh'e' da dar tut!!! | |
|
...e infatti... l'e' propri a passi! Diaolopo'! Se gh'e' bem volest 2 minuti a riprenderse! |
